Beti hai Vardaan bachalo....

Har bachchi he bhagwan; bachalo, beti he vardaan bahcalo,

Apni hi santaan bachalo; beti he vardaan bachalo~

kal tumhare aangan khelegi, dukh tum se sab le legi,

tumhara naam badhayegi, woh khoob naam kamayegi,

apna ye samman bachalo, Har bachchi he bhagwan bachalo

Apni hi santaan bachalo; beti he vardaan bachalo~

kal apne ghar fir jayegi, tab bhi beti kehlayegi

saaari rasm nibhaayegi, hanste dukh uthaayegi

sabse bada daan bachalo; Har bachchi he bhagwan bachalo

Apni hi santaan bachalo; beti he vardaan bachalo~

woh neta bankar ayegi, woh afsar bankar ayegi

asha ki jyot jalaayegi, wo andhere door bhagayegi

bharat bhavishya nirman bachalo; har bachchi he bhagwan bachalo

Apni hi santaan bachalo; beti he vardaan bachalo~ 

written and composed by: Abhi Tamrakar

Aaj fir~

aaj fir unki yaaad aayi hai 'Abhi'

aaj fir khamosh ronaa hoga~

mera dard jaan leti he woh

aaj fir be-dard hasnaa hoga~

 

mere ansuu dekhegi to royegi bahut

aaj fir pani-pani bhigonaa hoga~

 

sun leti he wo door se meri sanso ko

aaj fir dil ko khamosh rakhnaa hoga~

fir saawan se mulaqaat ho~

Barsat ki raat ho ; tum mere sath ho,

hathon me hath ho; fir sawan se mulaqaat ho~

sath chalne ki baat ho; kuchh machalne ki baat ho,

thoda hasne- rone ki baat ho: fir saawan se mulaqaat ho~

thodi madhoshi ki baat ho; thode hosh ki baat ho,

thoda milkar kho jane ki baat ho; fir saawan se mulaqaat ho~

thoda bheege jazbaat ho; thodi jhilmil karti raat ho,
uth uthkar jhuki palko ki baat ho; fir saawan se mulaqaat ho~

Barsat ki raat ho ; tum mere sath ho,

hathon me hath ho; fir sawan se mulaqaat ho~